શિક્ષક દિન શુભેચ્છા મુલાકાત, તા. ૦૫/૦૯/૨૦૨૦
તા.૦૫/૦૯/૨૦૨૦ ના રોજ શિક્ષક દિનનો ફાળો એકત્ર કરવા માટે રાજ ભવન જવાની તક મળી. આ કાર્યમાં માન. કલેકટર શ્રી કુલદીપ આર્ય સાહેબ, ડી.ડી.ઓ. શ્રી શાલીની મેડમ, જિલ્લા શિક્ષણાધિકારી શ્રી વાઢેર સાહેબ, જિલ્લા પ્રાથમિક શિક્ષણાધિકારી શ્રી અર્ચનાબેન પ્રજાપતિ મેડમ તથા મારી માતૃશાળા શેઠ સી.એમ. હાઈસ્કુલ ના આચાર્ય શ્રી ચેતનાબેન બુચ તથા તેમની શાળાના વિદ્યાર્થી પરમ તેમજ મારી શાળાની તેજસ્વી વિદ્યાર્થીની મનાલી પણ જોડાયા. સ્થાનિક પરિસ્થિતિ મુજબ સામાજિક અંતર જાળવવામાં આવ્યું. અને ફરજીયાત માસ્ક સાથે જવાનું થયું. આ કાર્યમાં પ્રથમ માન. શિક્ષણ મંત્રી શ્રી ભુપેન્દ્રસિંહ ચુડાસમા સાહેબ, ત્યારબાદ રાજ્ય કક્ષાના મંત્રી શ્રી વિભાવરીબેન દવે ત્યારબાદ માન. મુખ્ય મંત્રી શ્રી વિજયભાઈ રૂપાણી સાહેબ અને અંતમાં ગુજરાત રાજ્યના મહા મહીમ રાજ્યપાલ શ્રી આચાર્ય દેવવ્રત સાહેબને મળી ફાળો એકત્ર કરવામાં આવ્યો. તમામ મહાનુભાવો એ શિક્ષકદિન નિમિત્તે ગુજરાતના તમામ શિક્ષકોને શુભેચ્છા પાઠવી.
