કરો યોગ રહો નિરોગ

કરો યોગ રહો નિરોગ,  તા. ૦૭-૦૨-૨૦૨૦
યોગાચાર્ય શ્રી દુષ્યંત ભાઈ મોદી દ્વારા ૩ દિવસીય  હેલ્થ સેમિનારનું આયોજન કરવામાં આવ્યું. આ પ્રસંગે શાળાના વિદ્યાર્થીઓ માટે રાત્રી યોગ શિબિર યોજવામાં આવ્યો. જેમાં બીજા દિવસે  શ્રીમદ રાજચંદ્ર માંથી પધારેલ મહાનુભાવ અને સ્પેન થી આવેલ મહેમાન જોડાયા. આ ઉપરાંત શાળાના વિદ્યાર્થીઓને પણ સંગીત સાથે યોગના વિવિધ પ્રયોગો બતાવવામાં આવ્યા. 

https://www.youtube.com/watch?v=ylmq5KgKmcA

નવોદય ક્રાંતિ નેશનલ એવોર્ડ - અમૃતસર

નવોદય ક્રાંતિ નેશનલ એવોર્ડ - અમૃતસર, તા.૦૪/૦૨/૨૦૨૦

મારા જીવનની સૌથી ગૌરવશાળી ક્ષણ..

નવોદય ક્રાંતિ પરિવાર ભારત એ રાષ્ટ્રીય કક્ષાએ સરકારી શાળાઓ ને શ્રેષ્ઠ બનાવવા માટે પ્રયત્ન કરી રહ્યું છે. સમગ્ર ભારતના શિક્ષકો પોતે કરેલ નવીન પ્રવૃતિઓને આ પરિવારમાં રજુ કરે છે. તેમને કરેલ વિશિષ્ટ કાર્યોને બિરદાવવા માટે દર વર્ષે આ રાષ્ટ્રીય એવોર્ડ એનાયત કરવામાં આવે છે. વર્ષ ૨૦૨૦ નો આ એવોર્ડ તા. ૦૪-૦૨-૨૦૨૦ ના રોજ અમૃતસર પંજાબ ખાતે નેશનલ એવોર્ડ અને પ્રમાણપત્ર થી સન્માન કરવામાં આવ્યું. આ ક્ષણે વંદન મારી શાહપુર પ્રા. શાળા તેમજ મારા નાના ભૂલકાઓ અને મારા પ્રેમી સાથી શિક્ષક મિત્રો અને શાળા પરિવાર.

SAARC દેશોની શાળા મુલાકાત

SAARC દેશોની શાળા મુલાકાત, તા. ૨૩-૦૧-૨૦૨૦ 

જીઓ હેજાર્ડ સોસાયટી, સાઉથ એશિયન એસોસીએશન ફોર રીજનલ કો ઓપરેશન (SAARC), ભારત સરકાર તેમજ ગુજરાત ઇન્સ્ટીટયુટ ઓફ ડીઝાસ્ટર મેનેજમેન્ટ ના સંયુક્ત ઉપક્રમે સ્કૂલ બિલ્ડિંગનું ઝડપી માળખાકીય અને બિન-માળખાકીય જોખમ મૂલ્યાંકન (Rapid Structural & Non-Structural Risk Assessment of School Building) વિષય પર એક વર્કશોપનું આયોજન કરવામાં આવ્યું. જેમાં સાર્ક સંગઠન ના સભ્ય દેશો જેવાકે અફઘાનિસ્તાન, બાંગ્લાદેશ, ભૂટાન, ભારત, માલદીવ, નેપાળ, પાકિસ્તાન અને શ્રીલંકા ના પ્રતિનિધિ એ આજ રોજ ગાંધીનગર તાલુકાની શાહપુર પ્રાથમિક શાળાની મુલાકાત લીધી. જેમાં તેમણે શાળાના સંપૂર્ણ બિલ્ડીંગ નું ઝીણવટ ભર્યું અવલોકન કર્યું. જેમાં આપત્તિ વ્યવસ્થાપન મુજબ કઈ કઈ જગ્યાએ વિદ્યાર્થીઓ માટે જોખમ રહેલું છે તે માટે કયા ઉપાયો કરી શકાય તે અંગે માર્ગદર્શન અને માહિતી આપી. તમામ દેશના પ્રતિનિધીઓએ તમામ વર્ગખંડ અને કોમ્પ્યુટર લેબ તેમજ શાળાના સ્માર્ટ ક્લાસ ની પણ મુલાકાત લીધી. સાર્કના સભ્યો દ્વારા શાળાના વિદ્યાર્થીઓ અને શાળાના આચાર્ય શ્રી અશ્વિનભાઈ પ્રજાપતિ સાથે પણ વાર્તાલાપ કર્યો અને શાળા અને વિદ્યાર્થીઓની વધુ સલામતી માટે કેવી વ્યવસ્થા કરી શકાય તે અંગે માર્ગદર્શન આપ્યું.

District Education Innovation Festival - 2019-2020

એજ્યુકેશન ઇનોવેશન ફેસ્ટીવલ ૨૦૧૯ - ૨૦૨૦ 

ગાંધીનગર જિલ્લા એજ્યુકેશન ઇનોવેશન ફેસ્ટીવલ - ૨૦૧૯ - ૨૦૨૦ નું આયોજન તા. ૬ - ૭ - ૮ જાન્યુઆરી ૨૦૨૦ ના રોજ જિલ્લા શિક્ષણ અને તાલીમ ભવન ગાંધીનગર માં કરવામાં આવ્યું. જેમાં આદર્શ પ્રાથમિક શાળા, શાહપુર દ્વારા રમતા રમતા શિક્ષણ નવાચાર રજુ કરવામાં આવ્યું.

ગણિત, વિજ્ઞાન, સામાજિક વિજ્ઞાન અને સામાન્ય જ્ઞાન જેવા વિષયોના વિવિધ મુદ્દાઓને સરળતાથી અને રસપૂર્વક શીખવવા માટે શિક્ષક દ્વારા વિવિધ પ્રકારની સામાન્ય રમતોનું આયોજન શાળા કક્ષાએ કરવામાં આવેલ છે. જે રમતોમાં બાળકો પણ તેમની સક્રિય ભાગીદારી દ્વારા વિષય મુજબનું જ્ઞાન પ્રાપ્ત કરી લે છે. અહી રજુ કરવામાં આવેલ રમતો માં શિક્ષકની  ભૂમિકા ફક્ત માર્ગદર્શકની રહે છે કારણકે મોટા ભાગની રમતો બાળકો જાતે જ રમે છે અને ભાગ લે છે. આ માટે શાળા કક્ષાએ નીચે મુજબની રમતોનું હાલમાં આયોજન કરેલ છે. વર્ગખંડ ની નિરસતા ને દૂર કરવા માટે શિક્ષક એકમને પૂર્ણ કર્યા બાદ આ પ્રકારની રમત કે પ્રતિયોગીતા નું આયોજન કરે છે.

૧. ગણિત સાપ સીડી.

ગણિત સાપ-સીડી., જેમાં સરવાળા, બાદબાકી, ગુણાકાર અને ભાગાકાર જેવી રકમો દરેક અંકમાં લેવામાં આવે છે. જેમાં ચઢતા ક્ર્રમ માં આવતા ઉત્તર વખતે બાળક ઉપર વધે છે  તેમજ ઘટતા ક્રમ ના ઉત્તર વખતે નીચેના ક્રમમાં ઉતરે છે. તેમ કરતા જે બાળક સૌથી પહેલા મંજિલ સુધી પહોચે છે તે વિજેતા બને છે.

૨. હું કોણ છું.?

બાળકો કોઈ એક ઉત્તર મન માં ધારી લે છે.બાકીના બાળકો તે તે ઉત્તર વિષે અન્ય પેટા પ્રશ્નો પૂછે છે અને તેમ કરતા કરતા ઉત્તર ની નજીક પહોચે છે, આ માટે શિક્ષક દ્વારા પ્રશ્નોની એક સાંકળ રચવામાં આવે છે. જેમ કે વિદ્યાર્થી મોર ધરી લે છે. બાળકો તરફથી પૂછવામાં આવે છે કે ... શું તે એક પક્ષી છે ? શું તે પાણી માં રહે છે ? આમ આમ એક એક કરતા બાળકો જવાબની નજીક પહોચે છે.

૩. મ્યુજીકલ બોક્ષ.

એક બોક્ષ માં શબ્દોની પટ્ટી મુકવામાં આવે છે. બાળકો ગોળાકારમાં બેસી મ્યુજિક ની સાથે દડો ગોળ ફેરવે છે, મ્યુજિક બંધ થતા જે બાળક પાસે દડો રહે છે તે બોક્ષમાંથી ચિઠ્ઠી ઉપાડી શબ્દ વિષે વાક્ય બોલો છે. જે બાળક વાક્ય બોલી શકતું નથી તે રમતમાંથી બહાર થઇ જાય છે. જે બાળક ઉત્તર આપે છે તે ૨ પોઈન્ટ મેળવે છે. અને રમત આગળ વધે છે.

૪. કૌન બનેગા બુદ્ધિમાન.?

અ રમતમાં બે બાળકો સામસામે બેસે છે, સ્પ્યારલ કરેલ એક બુકની એક તરફ પ્રશ્ન હોય છે અને બીજી તરફ ચાર વિકલ્પ સાથે સાચો જવાબ આપેલ હોય છે.  જેમ બાળક સાચો જવાબ આપે છે તેમ તેમ રમત આગળ વધે છે. અને બાળક પોઈન્ટ મેળવે છે અધ વચ્ચે ક્યાય બાળક અટકે તો  રમતમાં લાઈફ લાઈન પણ રાખવામાં આવે છે.

૫. શબ્દોની રેલગાડી.

આ રમતમાં શિક્ષક બાળકોને એક પ્રશ્ન પૂછે છે, તેનો જે ઉત્તર આવે છે તેના અનુરૂપ બાળકો આગળ વાક્ય બોલતા જાય છે. જેમ કે શિક્ષક પૂછે છે કે કયા ગ્રહ પર જીવન છે ? કોઈ બાળક  ઉત્તર આપે છે પૃથ્વી, તો તે એન્જીન બને છે બાકીના બાળકમાં જે બાળકો આગળ વાક્ય બોલતા જાય છે જેમ કે પૃથ્વી ગોળ છે, પૃથ્વી પર પાણી છે તેમ તેમ  બાળકો રેલગાડીમાં જોડાતા જાય છે, જે બાળક વાક્ય બોલી શકતો નથી તે પોતાના સ્થાન પર બેસી રહે છે. જયારે રેલગાડી પૂરી થાય છે ત્યારે તમામ બાળકો તેમને તેર તાળીનું માન આપે છે.

૬. પ્રશ્નપટ્ટી નો ખેલ.

આ રમતમાં જેટલા બાળક હોય તેટલા પ્રશ્ન ની પટ્ટી બનાવવામાં આવે છે અને બાળકોને વહેચવામાં આવે છે. શિક્ષક બાળકોને એક પ્રશ્ન પૂછે છે. જે બાળક પાસે તેનો જવાબ હોય છે તે ઉત્તર આપે છે. જે બાળક સાચો ઉત્તર આપે છે તેને અન્ય બાળકને પ્રશ્ન પૂછવાની તક મળે છે, ખોટો ઉત્તર આપનાર બાળક રમતમાં ચાલુ રહે છે પરંતુ તે પ્રશ્ન પૂછી શકતો નથી.

પ્લાસ્ટિક મુક્ત ભારત

ગ્રીન સ્કુલ પ્રોજેક્ટ અંતર્ગત પ્લાસ્ટિક મુક્ત શાળા – ૨૦૧૯

     પ્લાસ્ટિક મુક્ત ભારત અંતર્ગત અત્રેની શાહપુર પ્રાથમિક શાળામાં તા. ૧૩/૦૯/૨૦૧૯ ના રોજ પ્લાસ્ટિક મુક્ત શાળા કાર્યક્રમનું આયોજન કરવામાં આવ્યું. શાળાના આચાર્ય શ્રી અશ્વિનભાઈ પ્રજાપતિ દ્વારા બાળકોને શાળામાં પ્લાસ્ટીકનો ઉપયોગ નહિ કરવા માટે સમજાવવામાં આવ્યા. ત્યાર બાદ  શાળાના વિદ્યાર્થીઓની અને શિક્ષકોની  એક રેલીનું આયોજન કરવામાં આવ્યું. જેમાં ગામ માં દરેક દુકાન અને લોકોને રૂબરૂ મુલાકાત કરી પ્લાસ્ટીકનો ઉપયોગ નહિ કરવા માટે બાહેધરી લેવામાં આવી. તેમને પ્લાસ્ટીકના ઉપયોગ થી થતું નુકશાન વિષે અને પોતાના વિસ્તારને પ્લાસ્ટિક મુક્ત કરવા માટે લોકોને સમજાવવામાં આવ્યા. આ અભિયાન માં બાળકો સાથે ગામના સરપંચ શ્રી બાલુબેન બાબુજી ઠાકોર, ગામના તલાટી શ્રી ગૌતમભાઈ બ્રહ્મભટ્ટ તથા પંચાયત સભ્યોએ પણ પોતાનું સમર્થન આપ્યું અને શાળાના આ કાર્યક્રમ ને સફળ બનાવવા માટે પૂર્ણ સહકાર આપવાની ખાતરી આપી.

સતકર્મ

શહીદો માટે સતકર્મ

પુલવામામાં શહીદ થયેલ જવાનોના આત્માની શાંતિ માટે પ્રજાપિતા બ્રહ્માકુમારી વિદ્યાલય તથા શાહપુર પ્રાથમિક શાળાના સંયુક્ત ઉપક્રમે શાળામાં પ્રાર્થના સભા અને કેન્ડલ માર્ચનું આયોજન ગત સપ્તાહે કરવામાં આવ્યું હતું. આ પ્રાર્થના સભા માં શાળા પરિવાર અને ગ્રામજનો મોટી સંખ્યામાં એકત્ર થયા હતા. આ પ્રાર્થના સભામાં તેમના દ્વારા ફંડ એકત્ર કરવાની વાત રજુ કરવામાં આવી હતી. જેમાં ગ્રામજનો દ્વારા શાળામાં ૪૭૦૦૦/- રૂપિયા જેટલી રકમ એકત્ર કરવામાં આવી હતી. આ રકમનો ચેક આજ રોજ શાળાના આચાર્યશ્રી અશ્વિનભાઈ પ્રજાપતિના હસ્તે ગાંધીનગર જીલ્લા કલેકટર સાહેબને અર્પણ કરવામાં આવ્યો હતો. ગાંધીનગર કલેકટર શ્રી એસ. કે. લાંગા સાહેબે શાળા પરિવાર અને ઉદાર હાથે ફાળો આપનાર શાહપુર ગ્રામજનો નો અભાર વ્યક્ત કર્યો હતો.

INSPIRE 2018-2019

શાહપુર પ્રાથમિક શાળાની વિજ્ઞાન - ગણિત પ્રદર્શનની કૃતિની રાજ્ય કક્ષાના પ્રદર્શન માટે પસંદગી. 

           ઈન્સ્પાયર એવોર્ડ સ્કીમ માનાંક ૨૦૧૮ -૨૦૧૯ અંતર્ગત જિલ્લા કક્ષાના વિજ્ઞાન પ્રદર્શન નું આયોજન તા. ૧-૨ જાન્યુઆરી ૨૦૧૯ ના રોજ જિલ્લા શિક્ષણ અને તાલીમ ભવન ગાંધીનગર ખાતે કરવામાં આવ્યું હતું. જેમાં શાહપુર પ્રાથમિક શાળા, ગાંધીનગર ની બે કૃતિ રજુ કરવામાં આવી હતી. જેમાં રોલિંગ બેરીયર સીસ્ટમ ની રાજ્ય કક્ષાના વિજ્ઞાન પ્રદર્શન માટે પસંદગી થઇ છે  આ કૃતિ રજુ કરનાર નિશા અનિલભાઈ વાળંદ તથા તેમના માર્ગદર્શક શિક્ષક શ્રી કમલેશભાઈ ગોવિંદભાઈ પ્રજાપતિ ભુજ મુકામે યોજાનાર રાજ્ય કક્ષાના વિજ્ઞાન - ગણિત પ્રદર્શનમાં પોતાની કૃતિ રજુ કરશે.