સી.આર.સી. કક્ષાનો રમતોત્સવ
તા. ૦૯/૦૮/૨૦૧૭ ને બુધવારે શાહપુર પ્રાથમિક શાળામાં સી.આર.સી. કક્ષાના બળ રમતોત્સવ નું આયોજન કરવામાં આવ્યું. આ રમતોત્સવ માં ક્લસ્ટર ની શાહપુર ઉપરાંત રતનપુર, લવારપુર, ગણપતપુરા, પીરોજપુર શાળાઓના બાળ રમતવીરોએ ભાગ લીધો. લાંબી કુદ, ૧૦૦ મી. દોડ, ગોળા ફેંક, યોગ, અને ખો - ખો જેવી રમતોમાં બાળકોએ પોતાનું કૌશલ્ય બતાવ્યું. રમતોને અંતે વિજેતા બાળકોને આગળના સ્તર માટે પસંદ કરવામાં આવ્યા. ભાગ લેનાર દરેક બાળકને શાળા તરફથી પ્રમાણપત્ર, પ્રોત્સાહન ઇનામ અને દરેક શાળાને શિલ્ડ એનાયત કરવામાં આવ્યા. અંતમાં દરેક આમંત્રિતો માટે પાકા ભોજન ની વ્યવસ્થા કરવામાં આવી. શાળાના આચાર્ય શ્રી અશ્વિનભાઈ પ્રજાપતિ એ ભાગ લેનાર દરેક રમતવીરોને પ્રોત્સાહન પૂરું પાડ્યું.
