આદર્શ પ્રાથમિક શાળા, શાહપુરમાં ગામના દાતાશ્રી હર્ષદભાઈ પટેલ (ગોપી નોટબુક્સ બ્રાન્ડ) દ્વારા શાળાના તમામ ૩૬૦ વિદ્યાર્થીઓને ૧ - ૧ ડઝન ફૂલસ્કેપ ચોપડા (૧૭૫ પેજ) તથા અન્ય નોટબુક્સ મળીને કુલ ૪૨૫ ડઝન (અંદાજીત કિમત રૂ. ૧,૩૨,૦૦૦/-) નું દાન કર્યું હતું. શાળાના શિક્ષકો દ્વારા આ ચોપડા બાળકોને અર્પણ કરવામાં આવ્યા હતા.
શાળા પ્રવેશોત્સવ - ૨૦૨૩
આદર્શ પ્રાથમિક શાળામાં તા. ૧૨/૦૬/૨૦૨૩ ના રોજ શાળા પ્રવેશોત્સવ નિમિત્તે ડે . કલેકટર સાહેબશ્રી તથા જમીન સંપાદન અધિકારી શ્રી, અર્જુનસિંહ ડી. વણઝારા સાહેબ શ્રી તથા અન્ય મહાનુભાવો ઉપસ્થિત રહ્યા. શાળામાં ૩૮ બાલવાટિકા તથા ૩ ધો. ૧ ના બાળકોને વિધિવત પ્રવેશ આપવામાં આવ્યો. માન. મહેમાનશ્રી દ્વારા વૃક્ષારોપણ પણ કરવામાં આવ્યું. ગામમાંથી દાતાઓ દ્વારા વિવિધ પ્રકારની વસ્તુઓ વિદ્યાર્થીઓને દાનમાં આપવામાં આવી. માન. મહેમાનશ્રી એ શાળાની એસ. એમ. સી. સાથે બેઠક કરી શાળાની માહિતી મેળવી.
