આદર્શ પ્રાથમિક શાળા, શાહપુર, તા.જિ. ગાંધીનગર

text

Sunday, September 10, 2017

Thursday, August 17, 2017

તા. ૦૯/૦૮/૨૦૧૭ ને બુધવારે શાહપુર પ્રાથમિક શાળામાં સી.આર.સી. કક્ષાના બળ રમતોત્સવ નું આયોજન કરવામાં આવ્યું. આ રમતોત્સવ માં ક્લસ્ટર ની શાહપુર ઉપરાંત રતનપુર, લવારપુર, ગણપતપુરા, પીરોજપુર શાળાઓના બાળ રમતવીરોએ ભાગ લીધો. લાંબી કુદ, ૧૦૦ મી. દોડ, ગોળા ફેંક, યોગ, અને ખો - ખો જેવી રમતોમાં બાળકોએ પોતાનું કૌશલ્ય બતાવ્યું. રમતોને અંતે વિજેતા બાળકોને આગળના સ્તર માટે પસંદ કરવામાં આવ્યા. ભાગ લેનાર દરેક બાળકને શાળા તરફથી પ્રમાણપત્ર, પ્રોત્સાહન ઇનામ અને દરેક શાળાને શિલ્ડ એનાયત કરવામાં આવ્યા. અંતમાં દરેક આમંત્રિતો માટે પાકા ભોજન ની વ્યવસ્થા કરવામાં આવી. શાળાના આચાર્ય શ્રી અશ્વિનભાઈ પ્રજાપતિ એ ભાગ લેનાર દરેક રમતવીરોને પ્રોત્સાહન પૂરું પાડ્યું.

રક્ષાબંધન

ઉત્સવ ઉજવણી, રક્ષાબંધન

તા. ૦૮/૦૮/૨૦૧૭ ને મંગળવાર ના રોજ શાહપુર પ્રાથમિક શાળામાં રક્ષાબંધન ની ઉજવણી કરવામાં આવી. આ પ્રસંગે શાળાના વિદ્યાર્થીઓએ પોતાના સહપાઠી ને રાખડી બાંધી ભાઈચારાની ભાવના વિકસાવી. આ ઉપરાંત શાળાની કન્યાઓએ મેદાનમાં વાવેલા ફૂલ છોડ ને પણ રાખડી બાંધી તેના રક્ષણ અને જતન કરવા માટેના સપથ લીધા.

Wednesday, July 19, 2017

ગુણોત્સવ - 7 પરિણામ

ગુણોત્સવ - 7 પરિણામ

ગાંધીનગર તાલુકાની તમામ શાળાઓનું વર્ગ વાઈસ પરિણામ ની એક્ષેલ ફાઈલ ડાઉનલોડ કરવા ક્લિક કરો, RAR ફાઈલ હોવાથી અને ફાઈલ ની સાઈજ મોટી હોવાથી મોબાઈલમાં ખુલશે નહિ, કોમ્પ્યુટર માં ખુલી જશે.

DOWNLOAD

Tuesday, July 11, 2017

બાળ ફિલ્મોત્સવ ૨૦૧૭

બાળ ફિલ્મોત્સવ તા. ૧૦-૦૭-૨૦૧૭

બાળ ફિલ્મોત્સવ સપ્તાહ નિમિતે શિક્ષણ વિભાગ તરફથી ગુજરાતના તમામ પ્રાથમિક શાળાના ધોરણ - ૬ થી ૮ ના બાળકોને મલ્ટી પ્લેક્ષ થીએટર માં ફિલ્મ બતાવામાં આવી. બાળકોને પ્રેરણા આપે તેવા અને તેમને જોવા ગમે તેવા ફિલ્મ તમામ બાળકોને બતાવામાં આવ્યા. ગામના મોટા ભાગના બાળકો એ તો થીએટર જ પ્રથમ વખત જોયું હતું. ખરેખર શિક્ષણ વિભાગ ના આ ઉમદા પ્રયાસ દ્વારા બાળકોને આ રીતે ફિલ્મ જોવાની તક મળી. આ અન્વયે મારી શાળાના બાળકોએ તા. ૧૦-૦૭-૨૦૧૭ ના રોજ ગાંધીનગર ના સેક્ટર - ૧૧ માં આવેલ સિનેમેક્ષ થીએટર માં Ferrari Ki Sawari ફિલ્મ જોયી . થીએટર માં તમામ બાળકોને ગાંધીનગર ની અક્ષયપાત્ર સંસ્થા દ્વારા બિસ્કીટના પેકેટ પણ આપવામાં આવ્યા. તમામ બાળકોએ ખુબ જ ઉત્સાહપૂર્વક અને આનંદ થી ફિલ્મ નિહાળી.