ડિઝીટલ ઓનલાઈન ટેસ્ટ

ડિઝીટલ ઓનલાઈન ટેસ્ટ

KOLIBRI

      શાળામાં આ સત્રથી ડિઝીટલ ઓનલાઈન ટેસ્ટની શરૂઆત કરી રહ્યો છું. માય સ્કુલ સર્વર અને લર્નિગ ઈ ક્વોલીટીના કોલીબ્રી માધ્યમથી શરુ કરેલ આ ટેસ્ટમાં બહુ વિકલ્પ પ્રશ્નો, ખરું અને ખોટું તેમજ એક શબ્દમાં જવાબ જેવા પ્રશ્નો લઇ શકાય છે. આ ટેસ્ટમાં દરેક વિદ્યાર્થીનો વ્યક્તિગત યુઝર આઈડી હોય છે, એક આઈ ડી એડમીન નો હોય છે. જે નિયત સમયે ટેસ્ટ ને શરુ અને બંધ કરી શકે છે, ટેસ્ટનો સમય પૂરો થયા બાદ કોઈ વિદ્યાર્થી પ્રશ્ન નો જવાબ આપી શકતા નથી. એડમીન ટેસ્ટ બનાવ્યા બાદ ચોક્કસ સમયે ટેસ્ટ સ્ટાર્ટ કરે છે. વિદ્યાર્થીઓ પોતાના આઈડી થી ટેબ્લેટમાં લોગીન કરી ટેસ્ટ શરુ કરે છે. ટેસ્ટ માં દરેક વિદ્યાર્થીના ટેબ્લેટમાં ડાબી તરફ તમામ પ્રશ્નોનો અનુક્રમ દેખાય છે અને સ્ક્રીન પર એક પ્રશ્ન દેખાય છે, જેમ જેમ વિદ્યાર્થીઓ પ્રશ્નોનો જવાબ સબમિટ કરતા જાય છે તેમ તેમ અનુક્રમમાં તે પ્રશ્ન ગ્રીન થતો જાય છે, ધારોકે કોઈ વિદ્યાર્થી ટેસ્ટ દરમ્યાન કોઈ પ્રશ્નનો જવાબ હાલ આપવા માંગતો ના હોય તો આપ્યા વગર આગળના પ્રશ્ન તરફ જઈ શકે છે. અંતમાં ટેસ્ટને સબમિટ કરવાની હોય છે. સબમિટ કરતી વખતે જો કોઈ પ્રશ્નનો ઉત્તર આપવાનો બાકી હોય તો વિદ્યાર્થીના સ્ક્રીન પર મેસેજ આવે છે કે આપે હજુ ૩ કે ૪ પ્રશ્નો ના ઉત્તર સબમિટ કરવાના બાકી છે, આપ ખરેખર ટેસ્ટ સબમિટ કરવા માંગો છો.? જે પછીજ આ ટેસ્ટ સબમિટ થાય છે.

ઓનલાઈન ટેસ્ટની વિશેષતા :

• આ ટેસ્ટ દરમ્યાન દરેક વિદ્યાર્થીના ટેબ્લેટ માં આવતા પ્રશ્નો નો ક્રમ અલગ અલગ હોય છે તેમજ એક જ પ્રશ્નોના ઉત્તરના ક્રમ પણ અલગ અલગ હોય છે જેથી વિદ્યાર્થીઓ એક બીજામાંથી નકલ કરી શકતા નથી.
• એડમીન ટેસ્ટ દરમ્યાન કોઈ પણ સમયે કયા વિદ્યાર્થીએ કેટલી ટેસ્ટ પૂર્ણ કરી, કેટલી ટેસ્ટ બાકી, કોણે ટેસ્ટ શરુ કરેલ નથી જેવી તમામ વિગતો પોતાના ફોનમાં કે તેબ્લેતમાં જોઈ શકે છે.
• આ સંપૂર્ણ ટેસ્ટની સૌથી મોટી વિશેષતા એ છે કે આ ટેસ્ટ ઈન્ટરનેટના માધ્યમ વગર કરી શકાય છે જેથી નેટવર્કના કોઈ પ્રશ્ન ઉદભવતા નથી. તમામ પ્રક્રિયા શાળાના "માય સ્કુલ સર્વર" ના ફ્રી વાય-ફાય ની મદદથી થાય છે. 

વિડીયો જોવા માટે અહી ક્લિક કરો.

ફ્રી વાય ફાય થી ચાલતી એપ્લિકેશન.-Ashvin Prajapati

ફ્રી વાય ફાય થી ચાલતી એપ્લિકેશન.-Ashvin Prajapati

શાળા ના તમામ ટેબ્લેટ માં સમગ્ર પરિસર માં
ઇન્ટરનેટ ના માધ્યમ વગર
ફક્ત શાળાના my scool server દ્વારા
ફ્રી વાય ફાય થી  ચાલતી એપ્લિકેશન.

પ્રવેશ જાહેરાત

આદર્શ પ્રાથમિક શાળા, શાહપુર પ્રવેશ જાહેરાત 

સ્માર્ટ ક્લાસ લોક સહકાર

સ્માર્ટ ક્લાસ ધોરણ-૬ 

सफ़र में धुप तो होंगी, तुम चल शको तो चलो.

सभी लोग भीड़ में होंगे, तुम निकल शको तो चलो,

रस्ते नहीं बदलते किसीके लिए, 

तुम अपने आपको बदल शको तो चलो.

       શાહપુર પ્રાથમિક શાળામાં વર્ષ ૨૦૧૭ થી જ્ઞાનકુંજ પ્રોજેક્ટ અમલ માં મુકાયેલ છે. જેનું ઉદ્ગાટન ગુજરાતના માન. મુખ્ય મંત્રી શ્રી વિજયભાઈ રૂપાણી સાહેબના હસ્તે કરવામાં આવેલ છે. આ સાથે જ્ઞાન કુંજ પ્રોજેક્ટ અંતર્ગત શાળાને 100 ટેબ્લેટ પણ આપવામાં આવેલ છે. શાળામાં શરુ કરેલ આ પ્રોજેક્ટ બાદ શાળાના ધોરણ-૬ ના વિદ્યાર્થીઓ પણ ઉત્સુક હતા કે તેઓ પણ આજ પ્રકારના સ્માર્ટ ક્લાસ માં ભણવા માંગે છે, શરૂઆતમાં બે કે ત્રણ તાસનું શિક્ષણ ધોરણ - ૬ ના વિદ્યાર્થીઓને આપવામાં આવ્યું. પરંતુ ત્યાર બાદ ગામ લોકો સાથે અને SMC  સાથે વિચાર વિમર્શ કરી લોક સહકાર દ્વારા ત્રીજા સ્માર્ટ ક્લાસ તૈયાર કરવાનું સ્વપ્ન જોયું. બસ ત્યાર બાદ ગામના લોકો સાથે આ બાબતે ચર્ચા બાદ શાહપુર ગામના વતની અને નરોડા અમદાવાદ ખાતે રહેતા અને સેવાભાવી અને ધાર્મિક વૃતિ ધરાવતા શ્રી નટુભાઈ ભગવાનભાઈ પટેલ દ્વારા તેમના પુત્ર શ્રી કેતનભાઈ ના શુભ હસ્તે રૂ. ૧,૧૮,૦૦૦/- જેટલી રકમ શાળામાં સ્થળ પર જ હાથો હાથ આપી તાત્કલિક આ સ્માર્ટ ક્લાસ તૈયાર કરવાની વાત કરી.  માત્ર ચાર જ દિવસ માં તેમના આ પ્રયત્નોથી અમારી શાહપુર પ્રાથમિક શાળામાં ત્રીજા ધોરણ -૬ ના સ્માર્ટ ક્લાસનું નિર્માણ પૂર્ણ થઇ ચુક્યું છે, અને આજે આ ધોરણ - ૬ ના વિદ્યાર્થીઓ પણ તેમની અપેક્ષા મુજબ સ્માર્ટ ક્લાસમાં અભ્યાસ કરી રહ્યા છે, સમગ્ર શાળા પરિવાર અને SMC  તેમના આ ઉમદા કાર્ય બદલ હૃદય પૂર્વક આભાર માને છે. 

શાળા સ્વચ્છતા એવોર્ડ

શાળા સ્વચ્છતા એવોર્ડ

આજે તા. ૨૧/૦૩/૨૦૧૮ ના રોજ શિક્ષણ વિભાગ ગુજરાત રાજ્ય, જી.સી.ઈ.આર.ટી. ગાંધીનગર તથા જિલ્લા શિક્ષણ અને તાલીમ ભવન ગાંધીનગર દ્વારા સ્વચ્છ ભારત મિશન અંતર્ગત ગાંધીનગર તાલુકાની શાહપુર પ્રાથમિક શાળાને "શાળા સ્વચ્છતા એવોર્ડ પ્રાપ્ત થયેલ છે. શાળાને મળેલ આ એવોર્ડ મારી શાળાના શિક્ષક મિત્રોને અને વિદ્યાર્થીઓને કે જેઓ આ એવોર્ડના ખરા હકદાર છે, તેમને સમર્પિત...

State Innovation Festival 2018

State Innovation Festival 2018

રાજ્ય કક્ષાના ઇનોવેશન ફેસ્ટીવલ ૨૦૧૮ નું આયોજન તાજેતરમાં તા. ૨૭/૦૨/૨૦૧૮ થી ૦૧/૦૩/૨૦૧૮ ના રોજ સાંદીપની વિદ્યાનિકેતન , પોરબંદર મુકામે કરવામાં આવ્યું. શ્રી પૂજ્ય ભાઈશ્રી રમેશભાઈ ઓઝા ના સાનિધ્યમાં શાહપુર પ્રાથમિક શાળા દ્વારા  "ડિઝીટલ પુસ્તકાલય" ઇનોવેશન રજુ કરવામાં આવ્યું. ગુજરાત રાજ્યના મહામહિમ રાજ્યપાલ શ્રી ઓ.પી.કોહલી , GCERT ના ડાયરેક્ટર શ્રી ટી. એસ. જોશી સાહેબ ,  શ્રી દીપકભાઈ તેરૈયા , શ્રી નલીન પંડિત સાહેબ, શ્રી પાર્થેશભાઈ પંડ્યા તેમજ અન્ય મહાનુભાવો એ આ સ્ટોલ ની મુલાકાત લઇ માર્ગદર્શન પૂરું પાડ્યું .

INSPIRE Science Fair 2018

ઈન્સ્પાયર અંતર્ગત વિજ્ઞાન પ્રદર્શન 

                 જિલ્લા શિક્ષણ અને તાલીમ ભવન મુકામે ઈન્સ્પાયર એવોર્ડ અંતર્ગત વિજ્ઞાન પ્રદર્શન નું આયોજન તા. ૨૩-૦૨-૨૦૧૮ ના રોજ કરવામાં આવ્યું. શાળાના વિદ્યાર્થી તીર્થ મહેશભાઈ પટેલ તથા જૈમીનસિંહ ભરતસિંહ સોલંકી દ્વારા અકસ્માત નિવારણ માટેનું મોડેલ બનાવવામાં આવ્યું. તેમજ અન્ય વિદ્યાર્થી જૈમીન મનીષભાઈ શર્મા દ્વારા ઓટોમેટીક ટોલ બુથ મોડેલ બનાવામાં આવ્યું.