બેગલેસ કાર્યક્રમ

 

શાહપુર આદર્શ પ્રાથમિક શાળા: બેગલેસ કાર્યક્રમ અહેવાલ

તારીખ: ૨૬ જુલાઈ, ૨૦૨૫ (શનિવાર)

આજ રોજ શાહપુર આદર્શ પ્રાથમિક શાળામાં "બેગલેસ દિવસ" કાર્યક્રમનું સફળતાપૂર્વક આયોજન કરવામાં આવ્યું. આચાર્ય શ્રી અશ્વિનભાઈ પ્રજાપતિના માર્ગદર્શન હેઠળ, વિદ્યાર્થીઓએ શાળાના પારંપરિક અભ્યાસક્રમથી હટીને વિવિધ પ્રવૃત્તિઓમાં ઉત્સાહભેર ભાગ લીધો હતો.

કાર્યક્રમનો મુખ્ય ઉદ્દેશ વિદ્યાર્થીઓમાં સર્જનાત્મકતા, સહયોગ અને વ્યવહારિક જ્ઞાનનો વિકાસ કરવાનો હતો. દિવસભરની પ્રવૃત્તિઓ નીચે મુજબ હતી:

• સમૂહ સફાઈ અને સ્વચ્છતા રેલી: વિદ્યાર્થીઓએ શાળા પરિસરની સમૂહ સફાઈ કરીને સ્વચ્છતાનું મહત્વ સમજ્યું. ત્યારબાદ, "સ્વચ્છતા જ સેવા છે" ના સૂત્રોચ્ચાર સાથે ગામમાં સ્વચ્છતા રેલી યોજીને સમાજમાં સ્વચ્છતા અંગે જાગૃતિ લાવવાનો પ્રયાસ કર્યો.

• ચિત્રકામ (મુક્ત પાને ચિત્રો દોરવા): બાળકોને તેમની કલ્પનાશક્તિને મુક્તપણે વ્યક્ત કરવાની તક મળી. મુક્ત પાને ચિત્રો દોરીને તેમણે પોતાની આંતરિક કલાત્મકતાનું પ્રદર્શન કર્યું.

• ગણિત, વિજ્ઞાન અને ભાષાની પ્રવૃત્તિઓ: પુસ્તકિયા જ્ઞાનને બદલે પ્રવૃત્તિ આધારિત શિક્ષણ પર ભાર મૂકવામાં આવ્યો. ગણિત, વિજ્ઞાન અને ભાષા વિષયને લગતી પ્રાયોગિક અને રસપ્રદ પ્રવૃત્તિઓ કરાવવામાં આવી, જેનાથી વિદ્યાર્થીઓએ રમત-ગમતમાં જ્ઞાન મેળવ્યું.

• શૈક્ષણિક રમતો: વિવિધ શૈક્ષણિક રમતો દ્વારા વિદ્યાર્થીઓમાં જ્ઞાનવર્ધન અને તાર્કિક ક્ષમતાનો વિકાસ થયો. આ રમતોએ બાળકોને સહયોગ અને સ્પર્ધાત્મક ભાવના શીખવી.

આ બેગલેસ દિવસ કાર્યક્રમ વિદ્યાર્થીઓ માટે ખૂબ જ આનંદદાયક અને જ્ઞાનવર્ધક રહ્યો હતો. આ પ્રકારના કાર્યક્રમો ભવિષ્યમાં પણ યોજવામાં આવશે, જેથી બાળકોનો સર્વાંગી વિકાસ થઈ શકે.

બેગલેસ કાર્યક્રમ

 

તા. 12 જુલાઈ, 2025 ના રોજ શાહપુર આદર્શ પ્રાથમિક શાળા, તા. જી. ગાંધીનગર ખાતે બાલવાટિકા થી ધોરણ 8 ના વિદ્યાર્થીઓ માટે "બેગલેસ દિવસ" કાર્યક્રમનું સફળતાપૂર્વક આયોજન કરવામાં આવ્યું. આ અનોખા કાર્યક્રમનો મુખ્ય ઉદ્દેશ્ય બાળકોને શાળાકીય અભ્યાસના ભારણમાંથી મુક્ત કરી, પ્રવૃત્તિ-આધારિત શિક્ષણ અને સહ-અભ્યાસિક પ્રવૃત્તિઓ દ્વારા સર્વાંગી વિકાસ સાધવાનો હતો.

આજની પ્રવૃત્તિઓની શરૂઆત બાલવાટિકા થી ધોરણ 5 ના વિદ્યાર્થીઓ માટે સમૂહ યોગ પ્રદર્શનથી થઈ. નાના ભૂલકાઓએ ઉત્સાહભેર યોગાસનો અને લેઝીમના તાલબદ્ધ પ્રદર્શનમાં ભાગ લીધો, જેણે સમગ્ર વાતાવરણને સકારાત્મક ઉર્જાથી ભરી દીધું. વિદ્યાર્થીઓના ચહેરા પર આનંદ અને સ્ફૂર્તિ સ્પષ્ટપણે જોવા મળી રહી હતી.

તા. 19 જુલાઈ, 2025 ના રોજ  શાહપુર આદર્શ પ્રાથમિક શાળા, તા. જી. ગાંધીનગર ખાતે બાલવાટિકાથી ધોરણ ૮ સુધીના વિદ્યાર્થીઓ માટે બેગલેસ કાર્યક્રમનું આયોજન કરવામાં આવ્યું. આ અનોખા કાર્યક્રમનો મુખ્ય હેતુ વિદ્યાર્થીઓને પુસ્તકોના ભારણમાંથી મુક્તિ આપી, પ્રવૃત્તિલક્ષી શિક્ષણ દ્વારા જ્ઞાન અને આનંદનો અનુભવ કરાવવાનો હતો.

બાલવાટિકાથી ધોરણ ૫ ના વિદ્યાર્થીઓ માટે વિવિધ શૈક્ષણિક રમતોનું આયોજન કરવામાં આવ્યું હતું. આ રમતો દ્વારા બાળકોએ ગમ્મત સાથે જ્ઞાન મેળવ્યું અને તેમની સર્જનાત્મક શક્તિઓને પ્રોત્સાહન મળ્યું. શિક્ષકોએ ઉત્સાહભેર આ પ્રવૃત્તિઓમાં બાળકોને માર્ગદર્શન આપ્યું અને વાતાવરણ હસતું-રમતું રહ્યું.

જ્યારે ધોરણ ૬ થી ૮ ના વિદ્યાર્થીઓ માટે ગામના નજીકના સ્થળની મુલાકાતનું આયોજન કરવામાં આવ્યું હતું. આ અંતર્ગત વિદ્યાર્થીઓએ ગામની બ્રહ્મા કુમારી સંસ્થાની મુલાકાત લીધી. સંસ્થાના વડા શ્રી બી. કે. જયશ્રીબેન દ્વારા તમામ વિદ્યાર્થીઓનું ઉષ્માભર્યું સ્વાગત કરવામાં આવ્યું. તેમણે વિદ્યાર્થીઓને સંસ્થાના કાર્યો, મૂલ્યનિષ્ઠ શિક્ષણ અને આધ્યાત્મિક જ્ઞાન વિશે વિગતવાર માહિતી આપી. આ મુલાકાત દરમિયાન શ્રી બી. કે. જયશ્રીબેને તમામ વિદ્યાર્થીઓને સ્વાદિષ્ટ નાસ્તો પણ કરાવ્યો. આ મુલાકાત વિદ્યાર્થીઓ માટે ખૂબ જ પ્રેરણાદાયક અને જ્ઞાનવર્ધક રહી.

એક પેડ માં કે નામ

 

શાહપુર આદર્શ પ્રાથમિક શાળામાં "એક પેડ માં કે નામ" કાર્યક્રમ યોજાયો

ગાંધીનગર, [જુલાઈ 21, 2025] - શાહપુર આદર્શ પ્રાથમિક શાળા, તા. જી. ગાંધીનગરમાં પર્યાવરણ સંરક્ષણના ઉમદા હેતુસર શનિવાર, તારીખ ૧૯/૦૭/૨૦૨૫ ના રોજ "એક પેડ માં કે નામ" કાર્યક્રમનું સફળતાપૂર્વક આયોજન કરવામાં આવ્યું. શાળાના આચાર્ય શ્રી અશ્વિનભાઈ પ્રજાપતિના કુશળ માર્ગદર્શન હેઠળ યોજાયેલા આ કાર્યક્રમમાં શાળાના વિદ્યાર્થીઓની માતાઓએ ઉત્સાહભેર ભાગ લીધો હતો.

આ કાર્યક્રમનો મુખ્ય ઉદ્દેશ પર્યાવરણ પ્રત્યે જાગૃતિ લાવવાનો અને વૃક્ષારોપણ દ્વારા હરિયાળું વાતાવરણ નિર્માણ કરવાનો હતો. માતાઓએ પોતાના બાળકોના નામે વૃક્ષારોપણ કરીને પર્યાવરણ સંરક્ષણના આ સંદેશને વધુ મજબૂત બનાવ્યો હતો. આ પ્રવૃત્તિથી બાળકોમાં પણ નાનપણથી જ પર્યાવરણ પ્રત્યે પ્રેમ અને જવાબદારીની ભાવના કેળવાશે. શાળા પરિસરમાં રોપવામાં આવેલા આ વૃક્ષો ભવિષ્યમાં છાંયડો અને શુદ્ધ હવા પૂરી પાડશે, જે શાળા અને સમાજ બંને માટે લાભદાયી બનશે. આ પ્રકારના કાર્યક્રમો પર્યાવરણ જાગૃતિ માટે અત્યંત મહત્વપૂર્ણ ભૂમિકા ભજવે છે.

કન્યા કેળવણી મહોત્સવ તથા શાળા પ્રવેશોત્સવ 2025

ગાંધીનગર તાલુકાની શાહપુર આદર્શ પ્રાથમિક શાળા માં કન્યા કેળવણી મહોત્સવ તથા શાળા પ્રવેશોત્સવનુ આયોજન કરવામાં આવ્યું. અ કાર્યક્રમમાં ગુજરાત રાજ્યના મુખ્ય સચિવ શ્રી પંકજ જોષી સાહેબ ઉપસ્થિત રહ્યા. તેમની સાથે માન. નાયબ જિલ્લા વિકાસ અધિકારી શ્રી હાર્દિકભાઈ પટેલ પણ હાજર રહ્યા. વિશેષ ઉપસ્થિતિ માં ગામના ઉત્સાહી સરપંચ શ્રી અર્પિતભાઈ પટેલ, એસ,એમ. સી. સભ્યો, તાલુકા સદસ્ય શ્રી, પૂર્વ સદસ્યશ્રી અને ગામના ઉત્સાહી વડીલો અને યુવાનો હાજર રહ્યા. ગામના યુવાનો દ્વારા શાળાના બાળકોને  રોકડ અને વસ્તુ સ્વરૂપે 1,50,000/- થી વધુની કિમતનું દાન આપવામાં આવ્યું. 

પર્યાવરણ સંરક્ષક એવોર્ડ 2025

 ગાંધીનગર ખાતે પર્યાવરણ સંરક્ષણ સંદર્ભે એક ભવ્ય કાર્યક્રમ  યોજાયો 

               તા. 27મી એપ્રિલ - 2025, રવિવારે  ગાંધીનગર ટાઉનહોલમાં 2525 શિક્ષકોને પર્યાવરણ સંરક્ષક તરીકે સન્માનિત કરવામાં આવ્યા.

     ગુજરાત માધ્યમિક અને ઉચ્ચતર માધ્યમિક શિક્ષણ બોર્ડના મદદનીશ સચિવ શ્રી પુલકિત જોશીની પ્રેરણાથી શિક્ષકોએ સ્વયંભૂ રીતે  'હું છું પર્યાવરણ સંરક્ષક' અભિયાન ચલાવી પર્યાવરણ સંલગ્ન સ્થાનિક સમસ્યાઓના ઉકેલ માટે કાર્ય કર્યું. વિદ્યાર્થીઓને આ યજ્ઞકાર્યમાં જોડવાનો પ્રયત્ન કર્યો તથા ભવિષ્યમાં પણ આ અભિયાનને વધારે વેગવંતુ બનાવવા સંકલ્પ લીધો. 

      માધવ ચેરીટેબલ ટ્રસ્ટ-કપડવંજ, બ્રહ્મ સમાજ સેવા ટ્રસ્ટ- મહેસાણા, અનંતા એજ્યુકેશન- ગાંધીનગર દ્વારા શિક્ષકોની આ સરાહનીય પહેલને બિરદાવવા અને પ્રોત્સાહિત કરવાના આજના સમારંભમાં ગુજરાત રાજ્યના માનનીય શિક્ષણ મંત્રીશ્રી ડૉ. કુબેરભાઈ ડિંડોર સાહેબ, ગાંધીનગરના મેયર શ્રીમતી મીરાબેન પટેલ, જી.સી. ઈ.આર.ટી. સચિવ શ્રી એસ. જે. ડુમરાળિયા સાહેબ, ગુજરાત રાજ્ય સંસ્કૃત બોર્ડ ચેરમેન શ્રી હિમાંજય પાલીવાલ અને અન્ય મહાનુભાવો ઉપસ્થિત રહ્યા. આ કાર્યક્રમમાં ગાંધીનગર તાલુકાની શાહપુર પ્રાથમિક શાળા ના આચાર્યને માન. શિક્ષણ મંત્રીશ્રી ડૉ. કુબેરભાઈ ડિંડોર સાહેબ ના હસ્તે પર્યાવરણ સંરક્ષક એવોર્ડ અંતર્ગત શિલ્ડ અને સન્માનપત્ર આપી સન્માનિત કરવામાં આવ્યા. આ કાર્યક્રમમાં ગુજરાતના 33 જિલ્લા માંથી આવેલ 2,525 શિક્ષકોની પણ આ એવોર્ડ એનાયત કરવામાં આવ્યો.

સમર કેમ્પ ૨૦૨૫ IIT PALAJ

 શાહપુર આદર્શ પ્રાથમિક શાળાના વિદ્યાર્થીઓનો આઈ.આઈ.ટી. પાલજ ખાતે સમર કેમ્પ યોજાયો.

ગાંધીનગર તાલુકાની શાહપુર આદર્શ પ્રાથમિક શાળાના ધોરણ ૬ થી ૮ ના વિદ્યાર્થીઓનો પાલજ, ગાંધીનગર ખાતે આવેલ આઈ આઈ. ટી. ખાતે ૧૦ દિવસીય સમર કેમનું આયોજન કરવામાં આવ્યું. આ સમર કેમ્પમાં સંસ્થાના વિદ્યાર્થીઓ અને પ્રોફેસર ટીમના સહયોગ દ્વારા શાળાના ધોરણ – ૬ થી ૮ ના ૪૫ વિદ્યાર્થીઓનો સમાવેશ કરવામાં આવ્યો. સમર કેમ્પમાં નવી શિક્ષણ નીતિ – ૨૦૨૦ અંતર્ગત વિદ્યાર્થીઓને વિવિધ જીવન કૌશલ્ય તથા મૂલ્ય લક્ષી શિક્ષણ આધારીત વિવિધ પ્રવૃત્તિઓનુ આયોજન કરવામાં આવ્યું. વિદ્યાર્થીઓને ૧૦ દિવસના આ કેમ્પમાં ઓરિગામી વર્ક, પ્રિન્ટિંગ વર્ક, પુરાતત્વશાસ્ત્ર, પર્યાવરણ સંરક્ષણ, કેલિગ્રાફી, પુસ્તકાલય પ્રવૃતિ, મૂવી મેકિંગ, ડ્રામા, ડાન્સ જેવી વિવિધ પ્રવૃત્તિઓ એક્સપર્ટ દ્વારા કરાવવામાં આવી. શાળાના વિદ્યાર્થીઓને ખાસ બસ દ્વારા લાવવા અને લઈ જવાની તેમજ બપોરે ભોજનની સુવિધા પણ સંસ્થા દ્વારા પૂરી પાડવામાં આવી. સમર કેમ્પમાં નિયમિત વિદ્યાર્થીઓને માર્ગદર્શન પૂરું પાડવા માટે શાળાના શિક્ષકો પણ જોડાયા હતા. સમર કેમ્પના અંતિમ દિવસે ભાગ લેનાર તમામ વિદ્યાર્થીઓને સ્ટેશનરી કીટ તથા સ્કૂલ બેગ ભેટ તરીકે આપવામાં આવી. શાળાના આચાર્ય અશ્વિનભાઈ પ્રજાપતિ દ્વારા સમર કેમ્પમાં જોડાયેલ તમામ આઈ આઈ. ટી. પાલજના વિદ્યાર્થીઓ, એક્સપર્ટ અને તેમની ટીમના સભ્યોનો આભાર માન્યો હતો.

https://www.instagram.com/p/DKpY9S5osBg/?igsh=a3l5dzd6emFkNDBk

https://www.instagram.com/reel/DKXGLZSspIj/?utm_source=ig_web_copy_link&igsh=MzRlODBiNWFlZA==

પ્રિ વોકેશનલ એક્સપોઝર વિઝિટ

 પ્રિ વોકેશનલ એક્સપોઝર વિઝિટ 

શાહપુર પ્રાથમિક શાળામાં ફ્રી વોકેશનલ કાર્યક્રમ અંતર્ગત એક્સપોઝર વિઝીટ (31/12/2024)

ગાંધીનગર તાલુકાની શાહપુર પ્રાથમિક શાળામાં પ્રિ-વોકેશનલ કાર્યક્રમ અંતર્ગત એક્સપોઝર વિઝીટનું આયોજન કરવામાં આવ્યું. જેમાં શાળાના ધોરણ 6 થી 8 ના વિદ્યાર્થીઓને ગાંધીનગરના વિવિધ સ્થળોની મુલાકાત કરાવવામાં આવી. જેમાં ગાંધીનગર ફાયર એન્ડ ઇમરજન્સી સર્વિસ, અભિલેખાગાર ભવન,  ગાંધીનગર સાહિત્ય અકાદમી, માટીકામ કલાકારી બોર્ડ તથા અડાલજની વાવ જેવા સ્થળો અને તેમની કામગીરીનું પ્રત્યક્ષ દર્શન કરાવવામાં આવ્યું. વિદ્યાર્થીઓએ તમામ સ્થળની માહિતી એકત્ર કરી પ્રાર્થના સભામાં તમામ સ્થળોની કામગીરી અંગે પોતાના અભિપ્રાયો પણ રજૂ કર્યા. શાળાના આચાર્યશ્રી અશ્વિનભાઈ પ્રજાપતિએ કાર્યક્રમમાં જોડાયેલ તમામ બાળકોને માહિતી અને માર્ગદર્શન પૂરું પાડ્યું.